ஜாதி

லிப்ஸ்டிக்கும் புடவைக்கும்
நாலு செட் நகைக்கும்
மாலையில் மல்லியும்
தினமொரு திரைப்படமும்
உன் கனவல்ல - அறிவேன்!

நீ வேறு ஜாதி!
நான் அதையுணர்ந்த ஜாதி!
தன்மானப் பெண்ணே தாங்குவேன் வா!

காவியம்

காதலர் தோற்று
காதல் ஜெயிக்கும்
காவியக் காதலில் எனக்கு
சம்மதமில்லை!
நாம் காவியமாதல் வேண்டாம்!
இங்கே வாழ்க்கை வசீகரமானது!

முட்டாள்

காதலிப்பவன் முட்டாள்
என்றான் நண்பன்!

உன்னை நினைத்தேன்!

மீண்டும் நினைத்தேன்!

மறுபடி நினைத்தேன்!

தீர்மானித்தேன்!
நான் அறிவாளியாக
மாற அவசியமில்லை என்று!

நோய்

கதிர்வீச்சை விடவும்
அபாயகரமானது
உன் கண் வீச்சு!

ஏழு பிறவிக்கும்
ஏற்பட்டே தீரும்
காதல் நோய்!!